"Ulduzlar" sözünün İslam Peyğəmbəri (səlləllahu ələyhi və alihi və səlləm) və bəzi İmamlarımızın (əlyehimussalam) dövründəki mənası ilə bu günkü ulduzlar elmi mənası arasında fərqi var.  Keçmiş zamanlarda ulduzlar elmi, ulduzlar barəsində təhqiq və araşdırmalar mövzusuna çox az işlədilirdi və ən çox ulduzlar vasitəsi ilə falçılıq, gələcəkdən proqnoz vermək və sair kimi istifadə olunurdu. Bəzən günlərin nəhs və ya yaxşı olmaları barədə də bu addan istifadə edirdilar. Ulduz elmlərindən bu yolla istifadə edib, falçılıq etmək İslam Peyğəmbərinin (səlləllahu ələyhi və alihi və səlləm) və İmamlarımızın (əleyhimussalam) bu işi qadağan etməsinə və qarşısını almasına səbəb olmuşdur. Rəvayətlər toplusunda ulduz elmlərinə və münəccimliyə aid mənfi fikirlərin əsas səbəbi həmin hədəflərə görədir.
Amma, bəzi rəvayətlərdə ulduzlar elminə müsbət baxışlar vardır ki, bu rəvayətlər vasitəsi ilə İslam dininin ulduz elmlərinə ümumi baxışını ələ gətirmək olar. Hətta, bu rəvayətlərin bəzisində İmam (əleyhissalam) ulduz elmələri haqqında bəhsə daxil olur və nəzər verir. Bütün bu rəvayətlər ümumiyyətlə İslamın ulduz elmlərinə müsbət baxışından xəbər verir.