İnsanlara “Yasin” adı qoyulması ilə əlaqədar rəvayətlərdə mövcud olan müəyyən məsələlər imamların belə ad qoyulmasına razı olmadığını göstərir. O cümlədən, imam Sadiq (əleyhis-salam) buyurur: “İnsanlara icazə verilmişdir ki, övladlarına Məhəmməd adı qoysunlar, amma görəsən, onlara kim icazə vermişdir ki, uşaqlarına “Yasin” adını qoysunlar?! Halbuki, bu ad yalnız Peyğəmbər (səlləllahu əleyhi və alih)-ə məxsusdur?!”[1]

Bu rəvayət sənəd baxımından “mərfu” olduğuna görə fəqihlər onu mötəbər hesab etməmişlər. Amma sağlam əql hökm edir ki, məhdudiyyət qoyulan bu kimi hallarda ad qoyulmasında heç bir işkal olmayan digər başqa gözəl adlardan istifadə etməklə ehtiyata riayət etsinlər və bu addan (Yasin) istifadə etməsinlər.