Tarix kitablarında Bilalın evlənməsi ilə əlaqədar müəyyən məqamlar qeyd olunmuşdur. Misal üçün, yazmışlar ki, Peyğəmbəri-əkrəm (səlləllahu əleyhi və alih)-in təklifi və israrı ilə Bəni-Kənanədən olan bir qadınla,[1] bəzi mənbələrə görə isə, Bəni-Zöhrədən olan bir qadınla evlənmişdi.[2] Başqa yerdə qeyd olunur ki, qardaşı ilə birlikdə yəmənli bir ailəyə elçiliyə getmişdir.[3]

Amma Bilalın övladlarına gəldikdə isə, bəzi kitablarda onun nəvələrindən biri olan Hilal ibn Əbdur-Rəhmanın adı qeyd olunur. Onun nəsli Süleyman ibni Bilal ibni Ribaha çatmışdır.[4] Buradan da aydın olur ki, Süleyman, Bilalın oğlu imiş. Qeyd olunanlardan başqa, sair tarix kitablarında Bilalın övladları barədə heç bir  məlumat verilmir.