Имам Заманын (әҹ) сағламлығына дуа етмәк шәриәт ҝөстәришләриндән олуб, һикмәтләри олса да вә биз бу һикмәтләрдән хәбәримиз олмаса да әсл һәгигәтдә дуа өз тәсирини гојур. Неҹә ки, әҝәр һәким нүсхә јазса, бу һеч дә һикмәтсиз вә сәбәбсиз дејилдир. Һәр һалда биз ҝөстәриш әсасында әмәл едирик вә иманымыз вар ки, имам Заманын (әҹ) пак вүҹудунун сағламлығы һаггында  дуаларын һәгигәтдә тәсир вә һикмәти вардыр. Амма имам Заманын (әҹ) сағламлығы һаггында дуа етмәјин һикмәтләри барәсиндә бир нечә мәсәләни гејд етмәк лазымдыр:

  1.Имам Заманын (әҹ) узун өмүрлү вә сағлам галмасы амилләриндән бири дә һәмин дуалардыр. Әлбәттә, һеч дә бу мәнада јох ки, әҝәр биз дуа етмәсәк, Имам (әҹ) сағлам галмаз вә дүнјадан ҝедәр. Чүнки, чохлары вар ки, һәмишә Имам Заманын (әҹ) саламатчылығына дуа едирләр. Әсас одур ки, бу дуалар бир-бирини әвәз етмәклә тәсирә маликдир. Нүмунәси будур ки, бир дәстә мүртәд олса да дин һәмишә һифз олунаҹаг. Гуранда охујруг: “Əҝəр (инди) бунлaр (Гүрeјш мүшриклəри вə бaшгa кaфирлəр) бу дəлиллəри дaнсaлaр, Биз oнлaрa һəмин дəлиллəри инкaр eтмəјəн бир тaјфaны мүвəккил eдəрик (oнлaрын јeринə дəлиллəримизи инкaр eтмəјəҹəк бир зүмрə ҝəтирəрик).”[1].

     Амма бу бизим ифтихарымыз олмалыдыр ки, биз дә дини горујанлардан олаг. Јахуд, үмуми гајдаја ҝөрә һәмишә имам Һүсејнин (әлејһиссалам) мүгабилиндә кимләрсә дајанаҹаг... Бу һалда о кәсин Шүмр вә јахуд башгасы олмасы инсанларын өз ихтијарлары вә әмәлләри сајәсиндәдир. Инсанын әмәли бу ганунун иҹрасында истәр-истәмәз өз тәсирини гојаҹаг вә инсанын һансы дәстәдә гәрар тутмасында тәсир бурахаҹаг.

 2. Саламатчылыг һаггында дуа етмәк инсанын һәтта хырда бәлалардан вә хәстәликләрдән дә һифз олунмасында тәсирлидир. Имам Заманын (әҹ) раһат вә нараһат олмасына бахмајараг, ән чох мүһүм олан О Һәзрәтин вүҹудунун галмасыдыр. Һәтта, әҝәр бу ҹәһәтдән дә тәсир гојмуш олса, Аллаһ-тааланын бу ишдә ирадәси илә зиддијјәтли дејилдир.