Canlıların cisimləri elə qurulmuşdur ki, ruhları bədənlərindən çıxdıqdan sonra bədən təbii olaraq çürməyə başlayır və aradan gedir. Şübhəsiz ki, illər keçdikdən sonra cisimlərdən bəzilərinin olduğu kimi qalması ağlasığmazdır. Ancaq Allah hər bir şeyə qadir olduğundan bu şeyi ağlasığmaz hesab eləmək olmaz.[1] Bu ümumi qanunauyğunluq bəzi hallarda istisna təşkil edir. Bəzi işlər Allahın izni ilə cisimlərin çürüməsinin qarşısını ala bilər. Belə ki, mumiya bədənin sağlam qalmasına səbəb olur. Bu məsələ min illərdir ki, təcrbə ilə isbat olunub. Allahın iradəsi haqq məsələni isbat etmək üçün olsa ölən şəxsin bədəninin çürüməsinin qarşısını uzun illər boyu ala bilər, cismini sağlam saxlaya bilər. Onu yenidən dirildib ona ruh üfürə bilər. Qurani- kərimdə Üzeyr peyğəmbərin (ə) dastanında olduğu kimi.[2]

Rəvayətlərdə gəlmişdir ki, Cümə qüsulu alan adamın qəbirdə bədəni çürümür.[3] Bu bir çox hallarda baş vermişdir. Bir çox mənbələrdə nəql olunmuşdur ki, filan mömin qəbiri sındıqdan sonra görmüşlər ki, bədəni həminki kimi sağlamdır.

Buna görə də hər hansı bir şəxsin maddi cisminin aradan getməsi təbidir. Şəhidlərin bir çoxlarının da bədəni aradan gedir. Şəhidin bədəni illər keçdikdən sonra torpağın altında sağlam qalırsa bu inanılmaz deyil. Bizim yuxarıda qeyd elədiyimiz səbəbdən ola bilər.

Bu sualın müfəssəl cavabı yoxdur.