“Hədid ” surəsinin 17-ci ayəsində buyurulur:

اعْلَمُوا أَنَّ اللَّهَ يُحْيِ الْأَرْضَ بَعْدَ مَوْتِها

“Bilin ki, Allah yeri, öldükdən sonra (bir daha) dirildəcəkdir.”

Əhli-beyt (əleyhimus-salam) rəvayətlərində bu ayə imam Zaman (əleyhis-salam)-ın zühur dövrünə izah edilmişdir. Onların bəzilərini qeyd edirik:

1. Məhəmməd Hələbi deyir: İmam Sadiq (əleyhis-salam)-dan yuxarıdakı ayənin izah və təfsiri barəsində soruşdum, həzrət buyurdu: “(Yerin dirildilməsi dedikdə məqsəd) zülm və haqsızlıqla dolduqdan sonra (bərqərar ediləcək) haqq-ədalətdir.”[1]

2. İmam Kazım (əleyhis-salam) həmin ayənin izahında buyurur: “Yerin dirildilməsindən məqsəd yağış damcıları vasitəsi ilə dirildilməsi deyildir, əksinə Allah-taala müəyyən insanları seçəcəkdir ki, ədaləti (bərqərar edib yeri) diriltsinlər. Buna əsasən, məqsəd yerin haqq-ədalət əsasında dirçəldilməsidir və bu da (zühur) qırx gün ardıcıl yağan faydalı yağışlardan sonra baş verəcəkdir.”[2]

3. İmam Hüseyn (əleyhis-salam) buyurur: “Məhdi biz on iki nəfərdən biridir. Onların birincisi Əli ibni Əbi Talib, axırıncısı da mənim övladlarımdan olan doqquzuncu şəxsdir ki, haqq əsasında qiyam edəcəkdir, Allah-taala onun vasitəsi ilə yeri (zülm və haqsızlıqla öldükdən sonra) haqq-ədalətlə dirildəcəkdir.”[3]