Ətraflı axtarış
Baxanların
5485
İnternetə qoyma tarixi: 2012/01/19
Sualın xülasəsi
Əgər hazırkı məsihi dini təhrif olunubsa və Allah onları kafir hesab edirsə, bəs nə üçün onlara şəfa verir və onlara diqqət yetirir?
Sual
Əgər hazırkı məsihi dini təhrif olunubsa və Allah onları kafir hesab edirsə, (çünki onlar həzrət Məsihi Allahın oğlu hesab edirlər!) onda nə üçün onlara şəfa verir və diqqət yetirir?
Qısa cavab

Allahın bəzi məsihilərə şəfa verməsi və diqqət yetirməsinin səbəbi Onun rəhmaniyyət və feyzinin ümumu olmasıdır. Bu rəhmət və feyz bütün insanlara şamil olur, nəticədə ilahi nemətlərdən bəhrələnmək sayəsində səadət və iman yolunu seçir, ilahi mərifət və kamala nail olurlar. Çünki Allah-taala insanları azad yaradır, ixtiyarlarına müəyyən imkanlar verməklə onları sınaqdan çıxarır ki, necə əməl etmələri, hansı yolu seçmələri aydın olsun, möminlər və ixlaslı şəxslər başqalarından seçilsin.

Bundan əlavə, bəzi məsihilər islam dini barədə qasir cahil və ideoloji nəzərdən müstəzəf sayılırlar. Hətta demək olar ki, insani prinsiplərə riayət etdikləri təqdirdə nicat əhli də ola bilərlər.

Ətreaflı cavab

Sualın mövzusu iki hissədə araşdırılıb təhlil olunur:

a) İlahi rəhmət və nemətlərin ümumi olması

Pərvərdigari-aləmin nemətləri, bəxşişləri və əta etdiyi şeylər kibriya sahəsindən verildiyinə görə tam və kamildir, onların hər hansı qeydə, şərtə ehtiyacı yoxdur. Allah-taala bütün məxluqlara təkvini məhəbbəti vardır və onlara nemət verir. Varlığın və onun nemətlərin genişlənməsi Allah-taalanın Öz isim və sifətlərinin təzahürünə məhəbbəti qəbilindən və təfəzzül (mərhəmət) üzündəndir. Bu cəhətdən hamı eyni səviyyədədir. Nemətlərin verilməsində olan təfavüt və fərqli cəhətlər də qəbul edənlərin tutumu nəzərə alındığına görədir. Yəni insanların bəziləri şəriətdəki şərait və şərtlərin mövcud olmadığına görə bu məhəbbət və nemətləri qəbul edə bilmirlər. Məsələn, bəziləri daşürəklilikdə, qəsavət və azğınlıqda elə bir həddə çatırlar ki, hidayət, iman ruhu və ilahi cazibələri qəbul edə bilmirlər.

Allah-taalanın rübubi lütf və mərhəmətlərindən biri budur: O, bəşər üçün çoxlu nemətlər vermişdir ki, öz seçimi ilə ilahi məqsədlərə doğru hidayət olunsun. Ayrı-ayrı şəxslər yaradılış cəhətindən həyatının hər bir anında Pərvərdigar tərəfindən onun ixtiyarında qoyulan maddi-mənəvi nemətlərdən istifadə etmək məcburiyyətindədir. Allah-taala bunları verir ki, bəndələr ixtiyar üzündən öz dini vəzifələrinə əməl etsinlər, iman və təqva əhli olsunlar, nəticədə əbədi səadətə və qurtuluşa nail olsunlar. Amma bəziləri bu nemətlərdən yalnız öz dünyalarını təmin etmək istiqamətində faydalanır və axirəti unudurlar, yalnız bu dünyadakı uzun-uzadı arzularına çatmaq məqsədi güdürlər.[1] Quranda belə buyurulur: “O kəs ki, yalnız ötəri dünya həyatını axtarır, ona istədiyimiz qədər (həmin nemətdən) verərik – və hər kəsə istəsək verərik. Sonra cəhənnəmi onun üçün qərar verərik ki, məzəmmət olunmuş və ilahi dərgahdan qovulmuş halda onun yandırıcı atəşində yanar. O kəs ki, imanı olan halda axirət evini tələb edər və onun üçün səy edib çalışar, onun səy və fəaliyyətlərinə (Allah tərəfindən) əvəz və mükafat veriləcəkdir. Bu qrupdan hər birini Pərvərdigarın nemətlərindən bəhrələndirib kömək verərik və heç kim Pərvərdigarının nemətlərindən məhrum olmaz.”[2]

Deməli, Allah-taala Özünün ümumi rəhməti əsasında maddi və mənəvi nemətləri bəndələrin çoxunun ixtiyarına vermişdir. Çox hallarda höccət və möcüzələrini ən ağır günahlara mürtəkib olanlar üçün aşkar edir ki, bəlkə Allaha üz gətirələr. Quranda deyildiyi kimi, bütün bəşər övladı həyatının müəyyən mərhələlərində Allaha doğru qayıdır, öz çətinliklərinin həll olunmasını Ondan istəyir. Allah da onlara diqqət yetirir. Bu cəhətdən insanlar arasında heç bir fərq yoxdur. Lakin mühüm məsələ insanların həyatlarının davamında Allahın rəhmət və mərhəmətlərinə necə şükür edəcəkləridir: “De: dəryaların və quruların qaranlıqlarında sizə kim nicat verir?! Halbuki siz Onu təzərro (yalvarışla) ilə, aşkar və gizli şəkildə çağırıb deyirsiniz: “Əgər (Allah) bizi bu təhlükələrdən və zülmətlərdən xilas etsə, mütləq şükür edənlərdən olacağıq.” De: Allah sizə bunlardan və hər bir (başqa) çətinlik və narahatçılıqdan nicat verir, amma yenə də siz Onun üçün şərik qoşursunuz!”[3]

Allah-taalanın bəzi məsihilərə şəfa verməsi, onlara diqqət yetirməsi bütün insanlara şamil olan rəhmaniyyətinin ümumi və feyzinin davamlı olmasına görədir ki, ilahi nemətlərdən bəhrələnməklə səadət və iman yolunu seçsinlər, ilahi mərifət və kamala nail olsunlar. Çünki Allah-taala insanları azad yaratmaqla, onlara müəyyən imkanlar verməklə onları sınayır ki, necə əməl edəcəkləri, hansı yolu seçəcəkləri aydın olsun, möminlər və müxlislər digərlərindən ayrılsınlar.

b) Məsihilərdən bəziləri qasir cahildir.[4]

İslam dini haqq və asimani bir dindir, sağlam əql tərəfindən qəbul edilib dəstəklənir. Onun həqiqətlərini əldə etmək çox asandır. Lakin bu din onun həqiqəti barədə qasir cahil və dini cəhətdən müstəzəf olduqlarına görə xəbərsiz qalanlarla yaxşı rəftar edir. Aydındır ki, bu kimi insanlar islama iman gətirmədiklərinə görə müqəssir deyildirlər. Mütəal-Allah onları dünyada Özünün ümumi rəhmaniyyət və lütflərində qərar verir. Əgər digər insani prinsiplərə əməl etsələr Allah-taala onları cəhənnəm əzabına düçar etməz. Çünki ilahi əzab küfr və günahlarında təqsirə yol vermiş olan (yəni islam dini və onun əqidələrinin haqq olmasını bilə-bilə küfr edərək digər dinlərə üz gətirən) kafir və günahkarlar üçündür. Amma bir kəs islamın nidasını və onun haqq olmasını eşitməyibsə, yaxud islam barəsində azacıq məlumat əldə etsə də, bu agahlıq müqəddəs dini qəbul etmək üçün təsirli bir amil olmayıbsa, bu insanlar həqiqətdə islam dininin haqq olmasından agah olmamış və bu dini qəbul etməməkdə müqəssir sayılmırlar. Digər insani prinsiplərə riayət etdikləri təqdirdə onların nicat əhli olaraq behiştə daxil olması mümkündür.

Əlavə məlumat üçün aşağıdakı görünüşlərə baxın:

1. “Cəhənnəm və qeyri müsəlmanlar”, sual 47 (sayt 283)

2. “İlahi ədalət və insanların şiəliklə tanış olmamaları”, sual 3574 (sayt 4230)

3. “Müsəlman və qeyri-müsəlmanların tövbəsi”, sual 1404 (sayt 1424)



[1] Təbatəbayi, Seyid Məhəmməd Hüseyn, “Əl-mizan” təfsiri, 13-cü cild, səh. 66-68, “İslami nəşriyyat”ın dəftərxanası, Qum, 5-ci çap, 1417-ci hicri qəmər ili

[2] “İsra ” surəsi, ayə: 18-20

[3] “Ənam” surəsi, ayə: 63-64

[4] “Cahil qasir” o şəxsə deyilir ki, haqq-həqiqət ya ona çatmayıb, ya da çox naqis, natamam və qeyri real şəkildə təqdim olunduğuna görə həqiqətləri gerçək şəkildə dərk edə bilməmişlər.

Başqa dillərdə Q tərcümələr
Baxışlarınız
şərh sayı 0
Dəyəri daxil edin
misal : Yourname@YourDomane.ext
Dəyəri daxil edin
Dəyəri daxil edin

Mövzui təbəqələşdirmə

Təsadüfi suallar

Ən çox baxılanlar

  • Oğlan və qızın arasında dügzün cinsi əlaqə necə olmalıdır?
    163237 Nizamlar hüquq və əhkam 2011/05/31
    Qısa cavab: İslam dininin nəzərinə əsasən qadın və kişi bir- birlərini təkmilləşdirən varlıqdırlar. Allah- Taala bunları elə yaratmışdır ki, bu iki məxluq bir- birlərinin aramlıqlarını bərpa edirlər. həmçinin bununla yanaşı bir- birlərinin bütün cinsi istəklərini təmin etsinlər. İslam dini bu ehtiyacların halal yolla ödənməsi üçün ailə qurmağı (müvəqqəti ...
  • Hacət və diləklərimizə çatmaq üçün ən tez qəbul olunan dua hansıdır?
    156038 Əməli əxlaq 2011/06/28
    Baxmayaraq ki, bir çox dualar İmamlardan hacətlərin qəbul olması üçün rəvayət olunmuşdur ki, onların mətnini burada gətirmək mümkün deyildir. Bunun üçün də onlardan bir neçəsi ki, daha çox əhəmiyyət daşıyır adlarına işarə edirik. Təvəssül duası. Fərəc duası. ...
  • Şiələrin namazı əliaçıq və əhli- sünnənin əlibağlı qılmasının səbəbi nədir?
    118059 Nizamlar hüquq və əhkam 2011/01/02
    On iki İmama (ə) inanan insanlar Peyğəmbər (s) və İmamların (ə) sünnəsinə əməl etsinlər deyə, namazı əliaçıq qılırlar. Onların bu şəkildə namaz qılmasına əsas verən çoxlu sayda rəvayətlər vardır. Həmin rəvayətlərdə Peyğəmbər (s) və İmamların (ə) namaz qılarkən əlləri açıq və yan tərəflərə bitişik şəkildə olduğu göstərilir. ...
  • Aya kişinin ixtiyarı vardır ki, istədiyi halda qadının hər hansı bir yerindən istifadə etsin, əgər güc vasitəsiylə olsa belə?
    110310 Nizamlar hüquq və əhkam 2011/04/14
    Səlamun ələykum. Aşağıdakı cavablar müctəhidlərin dəftərxanalarından verimişdir: Həzrət Ayətullah Xamineinin dəftərxanası: Cavab 1 və 2. Qadının tamam olaraq kişini razı salması, o demək deyildir ki, kişi əxlaqa uyğun olmayan, çox məkruh və yaxud bir iş görə ki, qadının əziyyət olmasına səbəb olsun. Qadının tamam şəkildə ərini razı salması o deməkdir ...
  • Həyat yoldaşının öz razılığı ilə onunla arxadan əlaqədə olmağın hökmü nədir?
    100596 Nizamlar hüquq və əhkam 2015/06/29
    Möhtərəm mərcə təqlid alimləri buyurublar: “həyat yoldaşı ilə arxadan əlaqədə olmağın çox şiddətli kərahəti var”[1] Kərahət də bu mənadədər ki, bu əməl Allah dərgahında bəyənilməz bir əməldir. Amma, bu iş görülməsə daha yaxşıdır. Lakin, bu əməli edənə heç bir günah yazılmır. Diqqət etmək lazımdır ...
  • Qadın kişinin cinsi əlaqə istəyini rədd edə bilmərmi?
    91716 Nizamlar hüquq və əhkam 2012/09/01
    Əziz islam Peyğəmbərinin (s) və Əhli- beytin (ə) hədis və rəvayətlərində qadın və kişinin yaxınlığı barəsində mətləblər budur ki, onlar bir- birlərinin haqqlarına riayət etməlidirlər.[1] Bu hüquqlar yaxınlıq etmənin iki tərəfini göstərir. Bir rəvayətdə kişiyə belə deyilir: “Müstəhəbdir ki, kişi yaxınlığı rahatlıq, fasilə və ...
  • Qızdırma xəstəliynə görə oxunan dua var?
    53650 Hədis elmləri 2014/05/20
    Dua mənbələrində Nur duası adı ilə belə bir dua nəql olunur və bu dua qızdırma xəstəliyinin sağamasında çox təsirlidir. Duanın mətni budur: (tər.) “Nur verən Allahın adı ilə; nur verən Allahın adı ilə ki, nur verir; Nurda olan Nur Allahın adı ilə, hər şeyin təqdir və ölçüsünü ...
  • Salam "Əmmən yucibul- muztər" امّن یجیب المضطرّ duası harada gəlibdir?
    46305 Əməli əxlaq 2012/09/10
    "Əmmən yucibul- muztərrə iza dəahu və yəkşifus- su" « أَمَّنْ يُجيبُ الْمُضْطَرَّ إِذا دَعاهُ وَ يَكْشِفُ السُّوء » cümləsi Quranda Nəml surəsinin 62- ci ayəsində gəlibdir. Buyurur: "Əli hər yerdən üzülüb darda qalan birisi ona dua etdiyi zaman onun duasını qəbul buyuran".
  • Müvəqqəti evlənməinin sözləri nədir?
    44103 Nizamlar hüquq və əhkam 2014/05/22
    Müvəqqəti əqdin (mütənin) oxunmasından ötrü bir neçə şərt lazımdır: 1.Müvəqqəti əqdin oxunması; bu mənada ki, müvəqqəti evlənmədə təkcə qadınla kişinin bu əmələ razı olmaları kifayət etməz. Əqdin oxunması xüsusi kəlmələrlə bu əməlin inşa olunmasının niyyəti ilə oxunmalıdır. 2.Ehtiyat vacib budur ki, ərəb dilində düzgün qaydada oxunmalıdır. Əgər ...
  • Hansı yolla göz dəymənin (nəzərin) qarşısı alınır?
    43353 Təfsir 2011/11/03
    Göz dəymə insanın nəfsində olan qəsirdən irəli gəlir və bunun üçün də ağıl dərk edən bir dəlil yoxdur. Bəlkə çox hadisələr vardır ki, göz dəyməylə baş vermişdir. Mərhum Şeyx Abbas Qumi göz dəymənin uzaq olması üçün qələm surəsinin 51- ci ayəsini sifariş etmişdir. Bu ayənin nazil olmasını nəzərə ...