Abin da ake nufi da (makru) ita kalmar makru a harshen Larabci tana zuwa da ma’anar jujjuyawa, wannan kuwa ya hade ma’anar tana nufin abu ne kyau ko kuma mara kyau,[1] wannan jujjuyawar ta kasance a cikin mummunan aiki ko kuma kyakkyawa tare da cewa wasu daga cikin malamai sun fasasra kalmar da ma’anar yaudara, amma yayin da ake jingina ta ga Ubangiji nan kuma tana zuwa da ma’anar sakamako da kuma ukuba.

TANADIN UBANGIJI:

Yayin da muke la’akari da ayoyin da aka yi amfani da kalmar (makru) a cikinta za mu ga cewa abin da ake nufi da (makru) shi ne jujjya al’amura da kuma bincike shig ada wand ake fita wani lokacin yana kasancewa a cikin al’amuran alheri wani lokacin kuma yana jawo ma’anar cuta.[2] Misalin wannan abin da ya zo a cikin aya mai girma a cikin fadinsa Madaukaki:

﴿ويمكرون ويمكر الله والله خير الماكرين﴾[3]

Ma’anar wannan aya shi ne: “Suna shirya makirci, Allah kuma yana yi musu shiri, Allah shi ne mafi alherin masu tanadi”[4].

Abin nufi da fadinsa: “suna shirya makirci” yaudara da abin da mushirikai suka kukkulawa na tanade tanade don su dauki fansa a kan Manzon Allah tsira da amincin Allah su kara tabbata a gare shi kamar shirin da suka yi don su kashe shi ko kuma su sanya shi a cikin kurkuku da makamancin hakan, amma abin nufi a cikin fadinsa: “Allah yana yin nasa shirin” shi ne shirin Allah mai girma da bwaya madauakakin sarki kamar umartarsa da ya yi da yin hijira ga misali.