شیعوں کی احادیث کی کتابوں میں اہل بیت (ع) کے دشمنوں پر لعنت بھیجنے کے ثواب سے متعلق کثرت سے روایتیں ملتی ہیں۔ یہاں پر ہم ان روایتوں میں سے صرف دو نمونوں کی طرف اشارہ کرنے پر اکتفا کرتے ہیں:
۱۔ ریان بن شبیب کہتے ہیں:" میں ماہ محرم کی پہلی تاریخ کو امام رضا (ع ) کی خدمت میں حاضر ھوا۔ آپ (ع ) نے مجھ سے فرمایا: " اے ابن شبیب کیا روزے سے ھو؟" میں نے کہا:" نہیں ۔ فر مایا:" آج وہ دن ہے، جس دن حضرت زکریا [ع ]نے اپنے پروردگار سے دعا مانگی اور کہا کہ مجھے ایک پاک نسل عطا کرنا، کیونکہ تو دعا کو سننے والا ہے۔ خدا نے ان کی دعا قبول کی اور فرشتوں کو حکم دیا کہ محراب عبادت میں مشغول ذکریا کو کہدیں کہ: خداوند متعال تجھے یحی کی بشارت دیتا ہے۔ جو شخص آج کے دن روزہ رکھے اور اس کے بعد بارگاہ الہی میں دعا کرے، خدا وند متعال اس کی دعا کو قبول فرماتا ہے، جیسے حضرت زکریا کی دعا کو قبول کیا۔" اس کے بعد فرمایا: " اے ابن شبیب بیشک محرم وہ مہینہ ہے، کہ ماضی میں دور جاہلیت کے لوگ بھی اس مہینہ کے احترام میں قتل و غارت کو حرام جانتے تھے، لیکن اس امت نے نہ اس مہینہ کا احترام کیا اور نہ پیغمبر اکرم (ص) کا احترام کیا۔ اس مہینے میں پیغمبر اکرم (ص) کی اولاد کو قتل کیا گیا اور ان کی خواتین کو اسیر بنایا گیا اور ان کے مال کو لوٹ لیا گیا۔ خدا ان کے اس گناہ کو ہرگز نہیں بخش دے گا۔" اے ابن شبیب:" اگر کسی چیز کے لئے گریہ و زاری کرنا چاہتے ھو، تو حسین [ع] کے لئے گریہ و زاری کرنا کیونکہ گوسفند کے مانند ان کے بدن سے سر کو جدا کیا گیا اور آپ (ع) کے خاندان کے اٹھارہ افراد کو شہید کیا گیا، جو زمین پر بے مثال تھے۔ سات آسمانوں اور زمین نے ان کے لئے رویا ہے آپ (ع ) کی مدد کے لئے چار ہزار فرشتے زمین پر اترے اور دیکھا کہ امام حسین (ع ) قتل کئے گئے ہیں۔ یہ فرشتے آپ (ع) کی قبر پر پریشان اور خاک آلودہ ہیں اور قائم آل محمد (عج) کے ظہور تک اسی حالت میں ھوں گے۔ ۔ ۔ ان کا نعرہ " یا لثارات الحسین" ہے،" اے شبیب کے بیٹے میرے باپ نے اپنے باپ سے اور انھوں نے اپنے جد امجد سے سنا ہے کہ:  جب میرے جد امام حسین (ع) قتل کئے گئے آسمان سے خون اور سرخ مٹی کی بارش ھوئی"۔ اے شبیب کے بیٹے؛ " اگر حسین (ع) پر گریہ و زاری کرو گے یہاں تک کہ آپ کی انکھوں سے آنسو جاری ھو جائیں، خداوند متعال آپ کے تمام چھوٹے بڑے گناھوں کو بخش دے گا"۔ اے شبیب کے بیٹے؛ اگر تم خدا سے ملاقات کرنا چاہتے ھو اور گناھوں سے پاک ھونا چاہتے ھو تو حسین (ع )کی زیارت کرنا۔ اے شبیب کے بیٹے؛ " اگر بہشت میں پیغمبر اکرم (ص) کے حجرہ میں ساکن ھونا چاہتے ھو، تو حسین (ع) کے قاتلوں پر لعنت بھیجنا"۔
  اے شبیب کے بیٹے؛ " اگر امام حسین (ع ) کے شہید ھوئے اصحاب کا ثواب حاصل کرنا چاہتے ھو تو، جب بھی حسین [ع] کی یاد آئے، کہنا کہ کاش؛ میں ان کے ساتھ ھوتا اور عظیم درجہ پر فائز ھوتا۔" اے ابن شبیب؛ " اگر ہمارے ساتھ بہشت کے بلند درجوں میں رہنا چاہتے ھو، تو ہمارے غم میں مغموم اور ہماری خوشی میں شاد و خوشحال ھو جاؤ  اور ہماری ولایت سے ملحق ھوجاؤ۔ ۔ ۔"[1]      
      ۲. حَدَّثَنِي مُحَمَّدُ بْنُ جَعْفَرٍ الرَّزَّازُ الْكُوفِيُّ عَنْ مُحَمَّدِ بْنِ الْحُسَيْنِ عَنِ الْخَشَّابِ عَنْ عَلِيِّ بْنِ حَسَّانَ عَنْ عَبْدِ الرَّحْمَنِ بْنِ كَثِيرٍ عَنْ دَاوُدَ الرَّقِّيِّ: قَالَ كُنْتُ عِنْدَ أَبِي عَبْدِ اللَّهِ (ع) إِذَا اسْتَسْقَى الْمَاءَ فَلَمَّا شَرِبَهُ رَأَيْتُهُ قَدِ اسْتَعْبَرَ وَ اغْرَوْرَقَتْ عَيْنَاهُ بِدُمُوعِهِ ثُمَّ قَالَ لِي يَا دَاوُدُ لَعَنَ اللَّهُ قَاتِلَ الْحُسَيْنِ ع فَمَا مِنْ عَبْدٍ شَرِبَ الْمَاءَ فَذَكَرَ الْحُسَيْنَ ع وَ لَعَنَ قَاتِلَهُ إِلَّا كَتَبَ اللَّهُ لَهُ مِائَةَ أَلْفِ حَسَنَةٍ وَ حَطَّ عَنْهُ مِائَةَ أَلْفِ سَيِّئَةٍ وَ رَفَعَ لَهُ مِائَةَ أَلْفِ دَرَجَةٍ وَ كَأَنَّمَا أَعْتَقَ مِائَةَ أَلْفِ نَسَمَةٍ وَ حَشَرَهُ اللَّهُ"؛[2]
داؤد بن کثیر کہتے ہیں کہ:" میں امام صادق (ع )کی خدمت میں تھا، امام (ع) نے پانی مانگا، جب پانی پی لیا، تو گریہ و زاری کی اور آپ (ع ) کی آنکھوں میں آنسو جاری ھوئے اور اس کے بعد فرمایا:
" اے داؤ؛ خدا حسین [ع] کے قاتلوں پر لعنت بھیجے ،کوئی ایسا بندہ نہیں ہے جو پانی پیتے وقت حسین (ع) کو یاد نہ کرے اور ان کے قاتلوں پر لعنت نہ بھیجے، اس کے لئے خدا وند متعال ایک لاکھ ثواب درج کرتا ہے۔ اور اس کے ایک لاکھ گناہ بخش دیتا ہے۔ اس کے لئے ایک لاکھ درجات بلند کرتا ہے، گویا اس نے ایک لاکھ بندے آزاد کئے ہیں اور قیامت کے دن نورانی چہرہ سے محشور ھوگا۔
  قابل بیان ہے کہ کتاب" کامل الزیارات" میں ایک باب ہے، جس کا نام " پانی پیتے ھوئے امام حسین (ع )کو یاد کرنے اور ان کے قاتلوں پر لعنت بھیجنے والے کے ثواب ہے۔"[3]
 

---