بهائیت ایک ایسا فرقه هے ، جس کا بانی میرزا حسین علی نوری تها – وه میرزا عباس نوری کا بیٹا تها اور ١٢٣٣ھ کو تهران میں پیدا هوا – اس کا خاندان نور، مازندران کے "تاکر" نامی ایک چھوٹے پهاڑی گاٶں سے تعلق رکهتا تها – اس نے ابتدائی تعلیم حاصل کر نے کے بعد ، قاجاریه حکومت کے " امام وردی میرزا" کے دفتر میں اپنے والد کے مانند منشی کا عهده سنبهالا اور عدالت میں نوکری کر نے لگا ـ چونکه اس کا بهنوئی روس کے قونصل خانه میں منشی تھا ، اس لئے سفار تخانوں سے رابطه پیدا کر نے میں کامیاب هوا-[1]

"علی محمد باب" کے ظهور اور هنگامه آرائی کے بعد وه (یعنی حسین علی) ، اس کا سوتیلا بهائی اور اس کے خاندان کے چند افراد " باب" سے جاملے- جب میرزا تقی خان امیر کبیر کے حکم سے " باب" کو تبریز میں سزائے موت سنا کر پهانسی پر لٹکایا گیا ، تو "باب" کا بهائی ،" یحیٰی صبح ازل" جو اپنے بهائی سے ١٣ سال چھوٹا تها ، باب کا جانشین مقرر هوا- البته میرزا حسین علی بھی ابتداء میں اس کا پیرو بن گیا، لیکن کچھه مدت کے بعد اس کی اطاعت سے روگردانی کی – [2]اس نے پهلے " مهدویت" کا دعوی کیا اور مدعی هوا که وه، وهی هےجس کے بارے میں باب نے ظهور کا وعده کیا هے – [3]وه زمانه کے گزر نے کے ساتهـ ساتھـ اپنے دعوی میں اضافه کرتا رھا – "رجعت حسینی" اور " رجعت مسیحی" کے دعوی سے لے کر " رسالت اور شارعیت" کے دعوی تک پهنچااور اس کے بعد سر انجام" اس میں خدا کے حلول" کر نے اور تجسد و تجسم خدا کے دعوی اور " انا الهیکل الاعلی" کے دعوی تک پهنچ گیا – هم اس کے ان دعوٶںمیں سے بعض کی طرف اشاره کریں گے-

١٢٦٩ھ میں، لوگوں کے مطالبه اور دینی علما کے دباٶ کے نتیجه میں وقت کی حکومت نے مجبور هو کر میرزا حسین علی کےاس گروه کو بغداد جلا وطن کیا – اس زمانه میں بغداد ، حکومت عثمانی کے تحت تها- حکومت عثمانی نے ١٢٧٩ ھ میں انهیں پهلے " استامبول" اور پهر" ادرنه" بهیجدیا – یه وه زمانه تھا جب بابیوں کی قیادت کے سلسله میں دو بهائیوں ، یحیٰی صبح ازل اور حسین علی کے در میان اختلافات عروج پر پهنچے تھے اور اس لئے عثمانی حکومت نے انهیں عدالت میں حاضر کیا اور عدالت نے حکم دیا که دونوں میں سے هر ایک بهائی کو اپنے پیرٶں کے همراه ایک دوسرے سے دور مختلف جگهوں پر بهیجدیا جائے- اس حکم کے نتیجه میں " یحیی صبح ازل" کو اپنے مریدوں کے همراه " قبرس" اور" میرزا حسین علی" اور اس کے پیرٶں کو مقبوضه فلسطین میں " عکا" نامی جگه پر بهیجدیا-

میرزا حسین علی نے " عکا" میں رهایش اختیار کی اور ١٣١٠ھ میں بیماری کے نتیجه میں اس دنیا سے چل بسا اور وهیں پر اسے سپرد خاک کیا گیا – اس کے بعد اس کا بیٹا " عباس افندی" ، جس کا لقب " عبدالبها" تها، نے بهائیت کی ترویج کے لئے بڑی کوششیں کیں- اس نے ١٩١١ ء میں یورپ کا سفر کیا اور اس سفر کے دوران بر طانیه اور امریکه کے ساتھـ خصوصی روابط بر قرار کر نے میں کامیاب هوا-

پهلی عالمی جنگ میں حکومت عثمانی کے زوال کے بعد ، حکومت برطانیه نے عبدالبها ، جو اس وقت" حیفا" میں رهائش پزیر تها، اس کی حمایت کا اعلان کیا اور اس کی نمایاں خدمات کے پیش نظر انگلستان کی خدمت گذاری کے صله میں عالی ترین اعزاز عطا کیا ، جسے اس نے جنگ کے بعد حاصل کیا- [4]وه اپنی تحریروں میں فلسطین کے مقبوضه علاقوں پر سلطنت انگلستان کے تسلط کے بر قرار رهنے کی آرزو اوردعا کرتا هے –[5]

١٩٢١ء میں عبدالبها کے مر نے کے بعد ، میرزا حسین علی کے نواسے [6]شوقی افندی نے بهائیوں کی رهبری اور سربراھی کو سنبهالا – اس نے اسرائیل کی حکومت تشکیل پانے کے بعد ، اسرائیل کے صدر مملکت کے ساتھـ ملاقات کی اور اسرائیل کی مملکت کی ترقی کے لئے اپنی دوستی اور آرزٶں کا اظهار کیا [7]اور بهائیوں کے نام اپنے ١٣٢٩ھ کے پیغام نوروز میں اسرائیل کی حکومت کی تشکیل کو وعده الهی کا مصداق قرار دیا – ١٩٥٧ء میں شوقی افندی کے اس دنیا سے چلے جانے کے بعد، بظاهر ٩ ارکان پر مشتمل " بیت العدل" نامی ایک کمیٹی نے بهائیوں کی قیاد ت کی ذمه داری سنبهالی –ان کا مر کز مقبوضه فلسطین کے " حیفا" نامی جگه پر هے- [8]

بهائیت کا سیاسی موقف:

مذکوره مطالب سے هم عباس افندی اور شوقی افندی کے سیاسی موقف سے اجمالی طور پر واقف هوئے اور جوکچھـ یهاں پر ضروری هے اس کی طرف هم اشاره کرتے هیں ، وه یه هے که اس قسم کی پالیسی صرف ان دو افراد سے مخصوص نهیں تھی ، بلکه اس کا سر چشمه اس فرقه کا بانی میرزا حسین علی هے ،اس سلسله میں، نمونه کے طور پر مندرجه ذیل تاریخی رپورٹ پڑھنے کے قابل هے[9]:

١٢٦٨هـ میں بابیت کے دو پیرٶں نے ناصر الدین شاه پر گولی چلائی – اس کے بعد اس فرقه کے بعض افراد کوگرفتارکر کے انھیں موت کی سزا دی گئی اور چونکه مرکزی حکومت کی نظر میں شاه کو قتل کر نے کے اس منصوبه میں میرزا حسین علی کا هاتھـ هو نے کے شواهد و قرائن موجود تھے ، اس لئے میرزا حسین علی کو گرفتار کر نے کا فیصله کیا گیا-

تاریخی رپورٹیں اس امر کی حکایت کرتی هیں که میرزا حسین علی، اپنی گرفتاری سے بچنے کے لئے روس کے گر مائی سفارت خانه میں جانے آنے لگا اور اس کے نتیجه میں روس کے سفیر نے وزیر اعظم سےایک خط کے ذریعه تقاضاکیا که میرزا حسین کی حفاظت کر نے میں کسی قسم کی کوتاهی نه کرے-جب اسے بغداد جلا وطن کیا گیا ، تو اس نے سفیر روس کے نام ایک خط لکها ، جس میں اس حمایت کے سلسله میں اس کا اور روسی حکومت کا شکریه ادا کیا تھا-[10]

بغداد میں بھی برطانیه کے قونصل خانه کے انچارچ نے اس سے ملاقات کی اور حکومت بر طانیه کی طرف سے اس کی حمایت کا اعلان کیا-[11]

قابل توجه بات یه هے که بغداد کا گورنر بھی حکومت عثمانی کی طرف سے اسے ایک وظیفه ادا کرتا تھا - [12]جس وقت بهائیت روس کے دامن سے نکل کربرطانیه کی آغوش میں چلی گئی، توروسی سفارت کے قونصلرdalgoroukiنے احساس کیا که اس کی حکومت کی تمام زحمتیں بر باد هو رهی هیں ، اس لئے اس نے غصه  میں آکر ، فرقه بابی اور بهائیت کے وجود میں آنے کے تمام اسرار کوفاش کردیا- [13]ان حالات کے پیش نظر ذهن میں یه احتمال تقویت پاتا هے که بهائیت یا سامراج کی پیداوار هے یا استعماری سیاست کی هاں میں هاں ملانے والی هے- بهر حال، بهائیت کی پیدائش وبقا استعمار کی مرهون منت هے-

بهائیت کے اعتقادات کا سر چشمه:

چنانچه واضح هوا که بهائیت ، بابیت کی پیداوار تھی ، لیکن یه که بابیت نے کس فرقه سے ترقی پائی هے ، اس سلسله میں قابل ذکر بات هے که: بابیت، "کشفیه" کی پیداوار هے اور "کشفیه" ، " شیخیه" کی پیداوار هے- شیخیه کا بانی " شیخ احمد احسائی" تها جو ١١٦٠ھ میں پیدا هوا، وه اخباری مسلک سے تعلق رکهتا تها اور اس کے ا اعتقادات کے سبب علماء کی طرف سے اس کے خلاف حکم کفر دیاگیا تها [14]- مثلااس کے اعتقادات کےچند نمونے حسب ذیل هیں:

١- ائمه، علل اربعه عالم هیں

٢- اصول دین چار هیں (خداکی معرفت، انبیاء کی معرفت، ائمه کی معرفت اور رکن رابع کی معرفت، اور رکن رابع سے مراد فرقه شیخیه کے شیوخ اور بزرگ هیں )

٣- قرآن نبی کا کلام -

٤- خدا انبیاء کے ساتھـ ایک شے هے-

٥- شیخیه کے شیوخ اور بزرگ رکن رابع هیں-

٦- امام عصر ڈر کے مارے عالم حور قلیابی کی طرف بهاگ گئے هیں-

٧-عدل، اصول شیعه میں سے نهیں هے وغیره-

شیخ احمد احسائی نے اپنی ایک کتاب میں خلفاء پر حمله کیاتها، جوکربلا پردهاوابولنے اور لوگوں کے قتل عام کا سبب بنا- لیکن قابل غور بات هے که اس حمله اور قتل عام میں صرف شیخ احمد کے شاگرد" سید کاظم رشتی" کا گهر بچ گیا – بهر حال، کچھـ مدت کے بعد شیخ احمد حجاز چلا گیا ، اور وهاں پر عثمانی حکومت کے ماتحت حکام کی طرف سے حمایت اور احترام کا حامل قرار پایا-

وه ١٢٤١ھ میں اسی سال کی عمر میں اس دنیا سے چل بسا اور اس کے بعد" سید کاظم رشتی" نے اس کے افکار کی ترویج شروع کی اور فرقه کشفیه کی داغ بیل ڈالی-

سید کاظم رشتی ١٢١٢ھ میں پیدا هوا اور ١٢٥٩ھ میں اس دنیا سے رخصت هوا اور بیس سال تک اپنے پیرٶں کے در میان رکن رابع کے عنوان سر گرم عمل رها – اس کا اعتقاد تها که حضرت مهدی (عجل الله تعالی فرجه الشریف )همارے در میان موجودهیں اور اپنے مبلغین کو اطراف میں بهیجتے هیں تاکه لوگوں کو آماده کریں وغیره- اسی اعتقاد کی بنیاد پر اس کے ایک معروف شاگرد " علی محمد باب" نے دعوی کیا که میں " باب امام زمانه " هوں – لیکن بعد میں اس نے اسی پر اکتفا نهیں کیا بلکه دعوی کیا که وه خود " مهدی موعود "ے- [15]

"باب" اپنی تحریروں میں کبهی صراحت کے ساتھـ اور مکررطور پر قیامت تک پیغمبر اسلام صلی الله علیه وآله وسلم کی ختم نبوت اور رسا لت کا اور اسی طرح باره اماموں ، من جمله امام زمانه عجل الله تعالی فرجه الشریف یعنی حجه بن الحسن(عج) کے تئیں اپنے ایمان کا اظهار کرتا هے ، لیکن بعد میں اپنے لئے راه هموار کر نے کی غرض سے، اضافه کرتا هے که، قیامت تک ختم نبوت سے  مراد ظهور قیامت یعنی اس کا اپنا ظهور هے-

"بیان" نامی اس کی کتاب ، بابیوں میں خصوصی حیثیت اور اهمیت کی حامل هے اور

"وحی" کے عنوان سے محسوب هوتی هے ، یه کتاب اس امر کی حکایت کرتی هے که وه عمیق حد تک " حروفیاں" اور "نقطویان" کے اثر ورسوخ میں قرار پایا هے[16] اور اس لحاظ سے بهی شیخ احمد احسائی کی پیروی کرتا هے-

اس نے اپنی کتاب "بیان" کو ابجد کے محور پر مطابق کر کے " ١٩کےعدد" سے تالیف کیا هے - وه اس کتاب میں هرسا ل کو١٩ مهینے اور هر ماه کو ١٩ دن جانتا هے[17]، اور خود کو نقطه اولی اور باب خدا [18]کے عنوان سے پھچنواتا اور اپنے اولین ١٨ ساتهیوں کے ساتھـ ، جو حروف حی هیں ( ح   ی    ٨ ١٠) کو ١٩ افراد تک پهنچ کر " واحد" کو تشکیل دیتا هے ، چونکه حروف ابجد کے لحاظ سے "واحد"١٩ کے برابر هے، اس لئے وه اپنی کتاب "بیان" کو واحد اول، واحد دوم... پر تقسیم کرتا هے-[19]

البته کتاب "بیان" کے آخر پر حروف کی لغت کی تشریح کرتے هوئے عدد ١٩ کے انتخاب کے بارے میں لکهتا هے که چوده معصوم اور امام زمانه عجل الله تعالی فرجه الشریف کے چار نا ئب اور باب کو ملا کر ١٩ افراد هو تے هیں – جبکه هم باب کے بعض ادعا کی طرف توجه کرتے هیں تو معلوم هو تا هے که وه خود کو مهدی موعود جانتا هے، اس لئے کهنا چاهئے که اس کے  ١٩ عدد کا رمز مشکل سے دو چار هوا هے، اور اسے  اس کو صحیح کر نے کے لئے کوئی نئی تد بیر کرنی چاهئے-

وه بهشت، دوزخ ،صراط ، میزان اور ساعت کی تاویل و تفسیر کرتا هے اور رجعت کی اصل اور مقام امامت اور خدا کو اپنے اولیاء میں ظهور وتجسم بیان کرتے هوئے ایسی باتیں کرتا هے جو غلاه ، قرامطه اور شیخیه کے کلام اور تعبیرات کی ایک ترکیب هے-[20] اس نے بعض مناسک جیسے، نماز ، روزه، اور قبله میں تبدیلی پیدا کی هے – اس کے احکام میں سے چند حسب ذیل هیں:

١- اگر کسی بابی کی بیوی اس سے حامله نه هوسکی تو اس کے لئےحلال هے که وه  حامله هو نے کے لئے کسی دوسرے بابی سے مدد لے لےلیکن غیر بابی سے یه کام انجام نهیں دیا جاسکتا هے -[21]

٢- استمنا ء مباح هے-[22] و...-