تاریخی اور روائی منابع بتاتے هیں که انسانی نسل حضرت آدم کے شیث یا هبۃ الله نامی تیسرے فرزند سے چلی؛ کیونکه جناب هابیل تو قابیل کے هاتھوں قتل هوچکے تھے اور قابیل گناهوں کے سبب (حضرت آدم کی) بے توجهی کا شکار تھا اور فسق و فجور میں مبتلا هوگیا تھا اور اس کی اولاد بھی اس کے اعمال و افکار کی پیروی کررهی تھی اور بالآخر اپنی نافرمانی اور سرکشی کے سبب طوفان نوح میں غرق هوگئی۔[1]

البته جناب آدم کی اولاد کی شادی کا مسئله ایک پیچیده مسئله هے جس کو لیکر هماری تاریخ اور روایات میں مختلف اور متعارض احادیث وارد هوئی هیں۔

کچھ لوگوں نے سوره نساء[2] کی پهلی آیت سے استفاده کرتے هوئے کها هے که نسل آدم صرف جناب آدم اور جناب حوا کے ذریعه پھیلی هے اور اس میں کسی نے ثالثی نهیں کی هے۔

اس بات کا لازمه یه هے که جناب آدم کی اولاد نے (بھائی بهن کی شکل میں) آپس میں شادی کی هے؛ کیونکه اگر انھوں نے کسی اور نسل میں شادی کی هو تو قرآن کا فرمان [منهما] صادق نهیں هوگا۔

یه بات متعدد احادیث میں وارد هوئی هے اور زیاده حیرت انگیز نهیں هے لهذا ائمه علیهم السلام کی بعض احادیث کے مطابق یه نکاح حلال تھا کیونکه اس وقت تک بھائی بهن کی شادی کے حرام هونے حکم نازل نهیں هوا تھا۔

ظاهر هے که کوئی کام اسی وقت حرام هوسکتا هے جب الله کی طرف سے اس کا حکم نازل هو۔ اس میں حرج هے که کسی ضرورت مصلحت کے تحت ایک زمانے میں کوئی کام حلال هو اور بعد میں حرام هوجائے؟

احتجاج میں آیا هے که امام سجاد علیه السلام نے قرشی شخص سے گفتگو کے درمیان فرمایا: هابیل نے قابیل کی همزاد بهن لوزا سے اور قابیل نے هابیل کی همزاد بهن اقلیما سے شادی کی۔ راوی کهتا هے: قرشی نے پوچھا کیا هابیل اور قابیل نے اپنی بهنوں کو حامله کیا؟ امام نے فرمایا: هاں۔ قرشی نے کها یه کام تو آج مجوسی انجام دیتے هیں آپ نے فرمایا اگر مجوسی یه کام کرتے هیں اور هم اس کو باطل سمجھتے هیں تو یه اس وجه سے هے که یه لوگ الله کی طرف سے حرمت کے حکم کے بعد ایسا کرتے هیں، پھر فرمایا: اس بات کا انکار نه کرو کیونکه اس وقت اس کا صحیح نه هونا اور آج اس کا صحیح هونا الله کے حکم کے سبب هے، کیا الله نے جناب آدم کی زوجه کو خود انھیں سے خلق نهیں فرمایا؟ اس کے باوجود همیں ملتا هے که اس نے جناب حوا کو جناب آدم کے لئے حلال قرار دیا لهذا یه حکم اولاد آدم کے لئے اس وقت کا حکم تھا اور انھیں سے مخصوص تھا اور بعد میں الله نے حرمت کے حکم کو نازل فرمایا۔[3]

لیکن اس نظریه کے مقابلے میں کچھ اور لوگ ایسی احادیث کو مد نظر رکھتے هیں جن میں یه تصریح کی گئی هے که اولاد آدم نے آپس میں هرگز شادی نهیں کی۔[4] ان لوگوں کا کهنا هے که اولاد آدم نے ان دوشیزاؤں سے شادی کی جو زمین هی پر ایک اور نسل سے تھیں۔[5] علمی تحقیقات بھی یه بات بیان کرتی هیں که انسان کئی ملین سالوں سے زمین پر ره رها هے جبکه حضرت آدم کی خلقت کو ابھی زیاده عرصه نهیں گزرا هے۔ لهذا یه بات ماننا هی پڑے گی که حضرت آدم سے پهلے بھی کچھ لوگ زمین پر ره رهے تھے جو آدم کی پیدائش کے وقت نابودی کے دهانے پر تھے، اگر اولاد آدم نے انھیں نسل کے کسی فرد کے ساتھ شادی کی هو تو اس میں کیا حرج هےَ

لیکن مذکوره آیت سے یه بات میل نهیں کھاتی، اور اصول فقه کے قواعد کی رو سے اگر احادیث آپس میں متعارض هوں تو ان آیات کو خٓذ کرنا چاهئے جو قرآن کے موافق هوں۔

لهذا نتیجه یه هوا که پهلا نظریه قرآن سے زیاده موافق هے، جیسا که کوعلامه طبابائی نے پهلے نظریه کی تصدیق کی هے اور اسی و قبول فرمایا هے۔[6] مزید معلومات کے لئے: تفیسر المیزان، ج۴، ص۲۴۵کے بعد، برهان، در المنثور اور انبیاء کے قصوں کی کتب۔[7]